Norsk 2, modul 3 5-10, Praktisk språk- og tekstarbeid 2

Ved NLA Høgskolen går Norsk 2, 5-10 (30 sp) over to semester i tre modular á 10 studiepoeng. Læringsutbyteformuleringane slik dei er formulerte i Nasjonale retningsliner for grunnskolelærarutdanning 5.-10. trinn er tilpassa dei tre modulane som utgjer Norsk 2 ved NLA Høgskolen. Etter fullført emne «Praktisk språk- og tekstarbeid 2» har studenten følgjande læringsutbytte:

Kunnskap

Studenten

• har omfattande kunnskap om munnleg kommunikasjon, lesing og skriving og vidareutvikling av grunnleggande språkferdigheiter

Ferdigheiter

Studenten

• kan legge til rette for variert arbeid med språk og litteratur i tradisjonelle og nye medium
• kan planlegge, gjennomføre og vurdere arbeid med sakprosa og skjønnlitteratur frå ulike perspektiv og for ulike formål
• kan bruke relevante metodar og ny teknologi på måtar som fremjar samarbeid og fagleg progresjon i den vidare lese- og skriveopplæringa
• kan legge til rette for at elevane får lese, skrive og diskutere saktekstar og skjønnlitterære tekstar i ulike sjangrar og medium og tilpasse den vidare opplæringa i språklege ferdigheiter til elevar på ungdomstrinnet
• kan kartlegge og vurdere lese- og skriveferdigheiter og gi læringsfremjande respons til alle elevar
• kan skrive akademiske fagtekstar på nynorsk og bokmål

Generell kompetanse

Studenten

• har innsikt i skulefagets historie og eigenart som språk-, kultur-, litteratur- og danningsfag
• kan formidle fagstoff om språk, litteratur, tekstar og medium i relevante uttrykksformer
• kjenner til fagdidaktisk forsking og utviklingsarbeid og kan drøfte forskingsetiske problemstillingar
• kan planlegge, gjennomføre og vurdere fagleg og tverrfagleg utviklingsarbeid på trinn 5-10 i samarbeid med andre

Emnet fokuserer på temaa

• leseopplæring i eit forskings- og utviklingsperspektiv
• skriveopplæring i eit forskings- og utviklingsperspektiv
• opplæring i munnlegheit i eit forskings- og utviklingsperspektiv
• digitale dugleikar i eit forskings-og utviklingsperspektiv
• bruk av digitale verktøy i undervisinga i eit forskings- og utviklingsperspektiv
• tverrfaglegheit og djupnelæring
• skulefaget sin eigenart og historie
• kartleggingar og tiltak knytt til ulike utfordringar (lese-og skrivevanskar, norsk som andre språk m.v).

Førelesingar

Seminar med aktiv studentdeltaking

Gruppeseminar

Sjølvstudium

Praksis

Studentane bør danne kollokviegrupper og organisere samarbeid også utanfor obligatorisk undervisning

Obligatoriske arbeidskrav:

• førsteutkast av semesteroppgåve med sjølvvalt tema, inkludert rettleiing. Målform: nynorsk
• munnleg seminarinnlegg
• praksisoppgåve (kan bli gjennomført i samråd med andre emne i same undervisningstermin) eller skriftleg didaktisk oppgåve
• Det er krav om frammøte og aktiv deltaking som oppgitt i undervisningsplanen.

Nærare opplysningar om innhald og tidspunkt for gjennomføring av arbeidskrav blir gitt i årsplanen for faget ved studiestart.

Alle obligatoriske arbeidskrav må vere godkjente for at studenten kan gjennomføre eksamen.

Emnet har to avsluttande vurderingar:

• Endeleg utgåve av rettleidd semesteroppgåve, med eit omfang på 3000 ord. Målform: Nynorsk
• Skuleeksamen, 4t. Skriftleg breiddetest. Målform: Valfri

Eksamen blir gitt samla gradert karakter frå A - F, der F er ikkje greidd.

Begge eksamenar må vere bestått for å få godkjent emnet.

Semesteroppgåve:

• Alle

Breiddetest:

• Ingen

Norsk

Skandinaviske språk kan godkjennast etter søknad