Journalistikk, medium og kommunikasjon
Forskargruppa «Journalistikk, medium og kommunikasjon» (JMK) vart oppretta i 2025 og er resultatet av ei samanslåing av tidlegare forskargrupper ved NLA Høgskolen som har arbeidd med forsking på nyhendemedium og kommunikasjon frå ulike perspektiv.
Føremålet til JMK er å driva forsking og utvikling i eit breitt spekter innanfor journalistikk, medium og kommunikasjon.
I strategiperioden 2025–29 har forskargruppa fire prioriterte område:
- Verdiar, yrkesrolle og integritet. Sentrale tema er praktisk presseetikk og korleis kulturell kontekst og eige livssyn formar journalistrolla.
- Danning i ein digital kvardag, med særleg vekt på korleis born og unge utviklar identitet og tileignar seg haldningar i ein mediekultur prega av verdimangfald.
- Mediepedagogikk, med vekt på samspelet mellom medieteknologi og tradisjonelle læringsverktøy, og på relasjonen mellom mediesosialisering og livssynsdanning.
Nokre høgdepunkt i 2025:
- 19. august 2025: Lansering av antologien ‘Gender and Media Representation: Perspectives from Sub-Saharan Africa’ (Emerald Publishing), Addis Abeba, Etiopia. Medlemer frå forskargruppa har vore redaktørar og har bidrege med enkeltkapittel gjennom NORHED II-prosjektet som er tilknytt forskargruppa.
- 18. september 2025: Liv Iren Hognestad i debatt med Lars Helle frå Dagbladet på Dagsnytt 18 om forsking på pornodekning i media.
- Oktober 2025: Søknad levert til Fritt Ord om forsking på debattredaktørar og polarisering. Søknaden vart innvilga og prosjektet vil bli gjennomført i 2026.
Hovudmål for 2026:
- Å gje ut antologi om medium, verdiar, samfunnsansvar og danning (Fagbokforlaget)
- Å lansera pilot for nytt læreverk i kristendomskunnskap Vg1 og Vg2 for dei kristne vidaregåande skulane (august 2026)
- Å arrangera Norsk medieforskarkonferanse i Kristiansand 15.–16. oktober 2026
- Å få gjennomført minst to PhD-disputasar med kandidatar frå forskargruppa
Undergrupper:
Mykje av den daglege aktiviteten i forskargruppa skjer i dei to undergruppene:
- Undergruppe for journalistikk (JO )
- Undergruppe for barn, medium og livssyn (BML)
Kvar av undergruppene møtest til framlegging av paper og andre aktivitetar omlag ein gong i månaden.
Antologi 2026:
Forskargruppa har for tida eitt større fellesprosjekt, som er arbeidet med ein antologi i skjeringspunktet mellom medium, verdiar, samfunnsansvar og danning (Fagbokforlaget 2026). Redaktørar er Liv Iren Hognestad, Per Ivar Kjærgård og Dag Øivind Østereng. Manuskriptet er under fagfellevurdering våren 2026, og boka er planlagd utgjeven hausten 2026.
Medlemer
Medlemer frå NLA Høgskolen:
Margunn Serigstad Dahle, dosent (leiar for undergruppe BML)
Hilde Kristin Dahlstrøm, dosent
Carol Azungi Dralega, professor
Hanne Kristin Dypedal, seniorrådgjevar for utdanning
Runar Eikhaug, digitalpedagog
Ingvild Askeland Farestveit, praksiskonsulent i lærarutdanninga
Gila Hammer Furnes, førsteamanuensis
Astrid Haugestad, høgskulelektor
Beate Eltarvåg Gjesdal, digitalpedagog
Liv Iren Hognestad, førstelektor (leiar for undergruppe JO)
Torborg Igland, førstelektor
Sæbjørg Hageberg Kjeka, høgskulelektor
Per Ivar Kjærgård, dosent
Cornelia Egge Kløvfjeld, PhD-stipendiat
Franz Krüger, førsteamanuensis
Wenche Langeland, høgskulelektor
Grete Skjeggestad Meyer, dosent emerita
Nina Skråmestø Nesheim, førstelektor
Sigrunn Lindaas Norhagen, leiar for digitalisering, PhD-stipendiat
Bjørg Marit Nyjordet, førstelektor
Terje Skjerdal, professor (leiar for forskargruppa)
Frode Skjold, seniorrådgjevar i lærarutdanninga
Espen Sørmo Strømme, høgskulelektor, PhD-stipendiat
Egil Sæbø, førstelektor emeritus
Dag Øivind Østereng, høgskulelektor, PhD-stipendiat
Medlemer frå andre institusjonar:
Charles Paul Keeling, førsteamanuensis, Høgskolen i Østfold
Ingvild Thu Kro, førsteamanuensis, Ansgar Høgskole
Trude Kyrkjebø, høgskulelektor og PhD-stipendiat, Høgskulen på Vestlandet
Øyvind Økland, professor, Høgskulen i Volda
PhD-kandidatar:
Fem av medlemene i forskargruppa er stipendiatar i PhD-program ved ulike norske universitet.
PhD-kandidatar:
Fem av medlemene i forskargruppa er stipendiatar i PhD-program ved ulike norske univ
Utvikling av PhD-program:
Gjennom midlar frå NORHED og NORPART har forskargruppa dei siste åra vore engasjert i oppretting av PhD-program i ulike afrikanske land. Fagmiljøet har bidrege til utviklinga av tre PhD-program ved universitet i Etiopia og Uganda, og undervisning i eit nytt PhD-program i Ghana.
JMK har sidan 2017 vore aktivt med i utviklinga og oppstarten av desse PhD-programma:
- Addis Ababa University, Etiopia: PhD in Media and Communication Studies (etablert 2017)
- Bahir Dar University, Etiopia: PhD in Media and Communication (etablert 2017)
- Uganda Christian University, Uganda: PhD in Journalism, Media and Communication (etablert 2024)
- University of Media, Arts and Communication, Ghana: PhD in Media and Communication (etablert 2025)
Utviklingsprosjekt:
Forskargruppa har eit sterkt internasjonalt engasjement, spesielt retta mot det globale sør. Fagmiljøet i JMK har stått bak fleire større utviklingsprosjekt innanfor forsking og høgre utdanning i Afrika og på andre kontinent. Dei største prosjekta den siste tiårsperioden har vore:
- NORHED I (Uganda 2013–20): 16 millionar kroner
- NORHED II (Uganda og Rwanda 2021–27): 20 millionar kroner
- NORPART (Etiopia 2017–23): 5 millionar kroner
JMK står bak AfroMedia.Network, som er eit nettverk og ei nyhendeside for afrikanske medieforskarar (300+ medlemer). Gjennom NORHED II har JMK ein rammeavtale med SciDev.Net om opplæring i forskingsformidling for afrikanske akademikarar (SciDev.Net er den leiande globale nettstaden for utviklingsforsking).
Internasjonale nettverk:
JMK deltek aktivt i ulike internasjonale forskarnettverk. To av dei mest omfattande er:
- Worlds of Journalism Study: 75 land involvert. JMK er representert i executive committee.
- Journalistic Role Performance Project: 51 land involvert. JMK er representert i executive committee.
Konferansar:
Forskargruppa er ofte representert med paper på dei største internasjonale konferansane innanfor fagområdet, som er:
- International Communication Association (ICA)
- International Association for Media and Communication Research (IAMCR)
- European Communication Research and Education Association (ECREA)
- European Early Childhood Education Research Association (EECERA)
Forskargruppa er som regel godt representert på den nordiske medieforskarkonferansen (NordMedia) og på den norske medieforskarkonferansen. Forskargruppa er i oktober 2026 sjølv arrangør av den 22. norske medieforskarkonferansen, saman med Universitetet i Agder.
